အာခိလိနဲ့ လိပ် အပြေးပြိုင်ဖူးခဲ့တယ်

အာခိလိဆိုတာ ဂရိသူရဲကောင်း တစ်ယောက်ပါ။ မွေးကတည်းက အမေဖြစ်သူရဲ့ ဖနောင့်ကိုင် မြစ်ရေထဲ နှစ်ပေးမှုကြောင့် ဖနောင့်ကလွဲပြီး တစ်ကိုယ်လုံး တုတ်ပြီး ဓားပြီးသူကြီးပေါ့။ နောက်ဆုံးတော့ စစ်ပွဲမှာ ဖနောင့်ကို အဆိပ်လူးမြား မှန်ပြီး သေသွားရပါတယ်။ ဒါကြောင့် ဖနောင့်က အရွတ်တစ်ခုကို Archilles’ Tendon လို့ ခေါ်ကြတာ ဖြစ်ပါတယ်။

Zeno of Elea ဆိုတဲ့ Elea မြို့က philosopher Zeno ဟာ နာမည်ကြီး ဝိရောဓိတွေကို ရေးသားခဲ့ပါတယ်။ သူ့ရဲ့ ဝိရောဓိတွေဟာ အခုခေတ်ကနေ ပြန်ကြည့်ရင် အတော့်ကို အူကြောင်ကြောင် နိုင်နေတာကို တွေ့ရပါမယ်။

• 

အာခိလိနဲ့ လိပ်အပြေးပြိုင်တာကိုပဲ ကြည့်ရအောင်ပါ။

အာခိလိနဲ့ လိပ်အပြေးပြိုင်တော့ အာခိလိက သဘောထားကြီးစွာ လိပ်ကို မီတာ ၁၀၀ အကျောပေးပါတယ်။ ဝုန်းဆို တာလွှတ်တာနဲ့ အာခိလိကော လိပ်ကော ပြေးကြပါသတဲ့။

အာခိလိဟာ လိပ်နဲ့ အပြေးပြိုင်နေတာ ဖြစ်လို့ လိပ်ကို နိုင်ချင်ရင် လိပ်ကိုမှီအောင် ပြေးရပါမယ်။ လိပ်ကို မှီအောင်ဆိုရင် လိပ်ရှိခဲ့တဲ့နေရာကို ပြေးရပါမယ်။

အဲ့တာကြောင့် မီတာ ၁၀၀ ကို အာခိလိ ရောက်လာတော့ လိပ်က အရှေ့ရောက်သွားနေပါပြီ။ ဘယ်လောက်ပဲ ရောက်ရောက် အာခိလိက လိပ်ကိုကျော်ချင် လိပ်ကိုမှီအောင်ပြေး၊ လိပ်ကို မှီအောင်ပြေးရင် လိပ်ရှိခဲ့တဲ့နေရာကိုပြေး၊ လိပ်ရှိခဲ့တဲ့နေရာ ရောက်လာရင် လိပ်က ရှေ့နည်းနည်းရောက်နဲ့ အာခိလိဟာ လိပ်ကို ဘယ်တော့မှ မနိုင်ပါဘူးတဲ့။

• 

Zeno အလိုအရ လိပ်က အာခိလိကို အနိုင်ရပါတယ်တဲ့။

ဒါဖြစ်နိုင်မလားပေါ့။
သေချာစဥ်းစားကြည့်ရအောင်ပါ။
အပြေးပြိုင်တဲ့ အာခိလိနဲ့ လိပ်မှာ ပန်းတိုင်မရှိပါ။
အာခိလိရဲ့ ပန်းတိုင်က လိပ်ကို ကျော်ဖို့ ဖြစ်နေပါတယ်။
လိပ်က ရွေ့နေပါတယ်။
ဒီ ၃ချက်ကြောင့် အာခိလိဟာ လိပ်ကို ဘယ်တော့မှ မနိုင်နိုင်ဘူးလို့ သုံးသပ်လို့ရပါတယ်။

လက်တွေ့အရ စဥ်းစားကြည့်ရင် အင်မတန် အူကြောင်ကြား နိုင်ပေမယ့် Zeno ရဲ့ ဝိရောဓိတွေဟာ နာမည်ကျော်ခဲ့ပါတယ်။

Lucifer