ညီကိုတို့ရေ….
ညီကိုတို့တွေက တစ်နေ့တစ်နေ့ ဂျပန်သိုင်းကား အမေရိကန်သိုင်းကားတွေကြည့်ပြီး အဲ့သိုင်းကားတွေထဲက မင်းသားကိုင်တဲ့ ဓားရှည်ရှည်ခိုင်ခိုင် ကောင်းကောင်းတွေကို ကြည့်ပြီး အားကျနေကြမှာပဲ။
အဲ့လိုအားကျပြီးတဲ့သကာလ ကိုယ့်ရဲ့ ဓားကို ကြည့်ပြီး သိမ်ငယ်ကောင်း သိမ်ငယ်မယ်။ ဓားကို ရှည်အောင် ကောင်းအောင် ဆိုပြီး နည်းမျိုးစုံ သုံးမယ် ပန်းပဲဖိုဆီ သွားကြမယ်။
ပန်းပဲဖိုက တော်ရင်တော့ တစ်မျိုးပေါ့။ အဲ့ ပန်းပဲဖိုက ဂျင်းဆိုလို့ကတော့ ညီကိုတို့ရှိပြီးသား ဓားတွေက ရှည်ပါရဲ့ ကြီးပါရဲ့ အရွယ်အစားမမှန် အသွားမထက် ကြာရင် ပျက်ဆီးပုပ်ပွပြီး ဓားတစ်ချောင်းလုံး ပစ်ရတဲ့အထိ ဖြစ်သွားမယ်ဆိုတာလေးလည်း သတိရှိကြဖို့ပါ။
တကယ်တော့ ညီကိုတို့ သတိမထားမိတာ မေ့နေတာက ဓားရှည်ရှည်ကိုင်ထားလည်း သိုင်းမတတ်ရင် ကားယားကားယားနဲ့ အလကားပါပဲ ရန်သူကိုလည်း နိုင်မှာမဟုတ်ပါဘူး။ အရေးကြီးတာက သိုင်းကျမ်းကြေညက်ဖို့ပါလို့ ပြောပါရစေ။
သိုင်းကျမ်းကျွမ်းရင် ညီကိုတို့ဓားက ဓားမြှောင်လေးဖြစ်ပါစေအုံးတော့။ ရန်သူကို ပွဲစကတည်းက ဖြိုထားနိုင်ပါတယ်။ ရန်သူကို ဓားမသုံးဘဲ လက်ချည်းဗလာနဲ့တင် အားလျော့စေတဲ့ နည်းလမ်းလေးတွေလည်း အများကြီးပါ။
ဓားနဲ့ အနိုင်ယူရတာမဟုတ်ဘဲ သိုင်းကျမ်းနဲ့ အနိုင်ယူရတာဖြစ်ပါတယ်။ ဓားအကြီးအသေး အရှည်အတိုဆိုတာ ပကာသနပါဗျာ။
ညီကိုတို့ မတွေးမမှားဘဲ သိုင်းကျမ်းတွေလေ့လာပြီး ရန်သူတိုင်းကို အနိုင်ယူ နှိမ်နင်းနိုင်တဲ့ သိုင်းဆရာ ဂုရုကြီးတွေ ဖြစ်ကြပါစေကြောင်း စေတနာဖြင့်…
Dr. Jason
Science Nuts 