သင်ကြားဖူးလောက်မည်မဟုတ်သော ထူးထူးဆန်းဆန်း Phobia ၁၀ မျိုး

လူတမျိုး စိတ်တကိုယ်ဆိုကြသလို တယောက်နဲ့တယောက်အကြိုက်ချင်း မတူနိုင်ပါ။

ကြောက်တတ်ပုံချင်းလဲတူမည် မဟုတ်ပါ။

တခုခုကို စွဲစွဲလမ်းလမ်း ကြောက်ရွံခြင်းကို Phobia ဟုခေါ်ပြီး တချို့လူတွေက တစုံတခုကို အလွန်အကြူး ကြောက်လန့်တတ်ကြပါတယ်။

တခုခုကို ကြောက်တတ်တိုင်း Phobia လို့မခေါ်ပါ။
အချိန်ကာလ ၆လကျော်အောင် ကြောက်နေ လန့်နေပြီး နေ့စဥ်ဘဝကိုအနှောင့်အယှက်ဖြစ်လောက်အောင် လွန်ကဲလာမှသာ Phobia လို့ခေါ်ပါတယ်။

• 

ဒီနေ့မှာတော့ ထူးဆန်းတဲ့ Phobia 10 မျိုးကို ပြောပြပေးပါမယ်။

သင့်မှာရော ဘယ်လို Phobia တွေရှိနေမလဲ….
ဖတ်ကြည့်ကြည့်ပါဦး။
(အောက်တွင် ပုံများပါဝင်သဖြင့် အမှန်တကယ် Phobia တခုခုရှိပါက မကြည့်သင့်ကြောင်း ကြိုတင်သတိပေးပါရစေ)

Alliumphobia

ဒါက ကြက်သွန်ဖြူကိုကြောက်တဲ့ရောဂါပါတဲ့။
ကြက်သွန်ဖြူကိုမကြိုက်ရုံတင်မဟုတ်ဘဲ မြင်တာနဲ့ တုန်နေအောင်ကြောက်တာမျိုး ၊ အနံ့ရတာနဲ့ အသက်မရူလောက်အောင် လန့်တာမျိုးဖြစ်တတ်ပါတယ်တဲ့။
တချို့ကလဲ ဒီလိုကြက်သွန်ဖြူကိုကြောက်တတ်တာ Vampire အနွယ်ဝင်တွေမို့လို့ ကြောက်တာလို့လဲ မှတ်ချက်ပြုကြပါတယ်။

• 

Sesquipedalophobia

အပေါ်ကနာမည်ကိုဖတ်ရင်း စိတ်ညစ်ပြီး ကြောက်စိတ်ဖြစ်လာတယ်ဆို သင့်မှာလဲ ဒီလိုကြောက်တာရှိနိုင်ပါတယ်။

ဒါကတော့ စာလုံးပေါင်းအရှည်ကြီးတွေဖတ်ရတာကို ကြောက်တတ်တာပါတဲ့။

နောက်ထပ် နာမည်တမျိုးလဲရှိပါသေးတယ်။
အဲ့တာကတော့ Hippopotomonstrosesquippedaliophobia ဖြစ်ပါတယ်။ (လခွမ်း နည်းတဲ့စာလုံးပေါင်းကြီးလားလို့)

• 

Dictionary ထဲမှာပါတဲ့ အရှည်ဆုံးစာလုံးပေါင်းတွေထဲက တခုဖြစ်ပြီး “စာလုံးပေါင်းအရှည်ကြီးတွေကိုကြောက်ခြင်း”လို့ အဓိပ္ပာယ်ရပါတယ်တဲ့။
ကြောက်လဲကြောက်ချင်စရာပါပဲ။
(စာလုံးအရှည်ကြီးကြောက်တဲ့ရောဂါကို စာလုံးအရှည်ကြီးနာမည်ပေး Nice)Arithmophobia

Arithmophobia

ဒါကတော့ ကိန်းဂဏန်းတွေကိုကြောက်တဲ့ရောဂါပါတဲ့။
ရေတွက်ရတာကို ကြောက်ကြသလို ကိန်းဂဏန်းတွေများတာကို တွေ့ရင်လဲကြောက်ကြပါတယ်တဲ့။

• 

Plutophobia

ဒါကတော့ အဆန်းကြီး ပိုက်ဆံကြောက်ရောဂါပါတဲ့။
ပိုက်ဆံတွေရလာမှာ ချမ်းသာလာမှာကိုကြောက်တာဖြစ်ပြီး ဘာလို့ကြောက်တာလဲဆိုရင် အများစုက ရှိပြီးသား ပိုက်ဆံကုန်သွားမှာ၊ သုံးလိုက်မိမှာကိုစိုးရိမ်ရာက ဖြစ်လာတာပါတဲ့။

• 

Bibliophobia

ဒါကကျတော့ စာအုပ်ဖတ်ရတာကိုကြောက်တာပါတဲ့။ စာအရှည်ကြီးဖတ်ရတာ (ဥပမာ facebook က ဆရာကြီးများရေးတဲ့စာ) ကို လဲကြောက်ပြီး လူကြားထဲ အသံထွက်ဖတ်ရမှာကိုလဲ ကြောက်ကြသူတွေဖြစ်ပါတယ်။ တချို့ကလဲ သမိုင်းဖတ်စာအုပ်တို့ ၊ ပြဌာန်းစာအုပ် textbook ချည်းပဲ သီးသန့်ကွက်ကြောက်ကြတာလဲရှိပါတယ်။

• 

Omphalophobia

ထူးထူးဆန်းဆန်း ချက်ပေါက် (belly button) ကို မြင်ရင် ကြောက်ကြသူတွေပါတဲ့။
မိမိဗိုက်က ချက်ကိုပါကြောက်လို့ မထိမကိုင်ကြဘဲ သူများရှေ့မှာ ချက်ပေါ်သွားမှာကိုလဲ စိုးကြောက်ကြပါသတဲ့။ တချို့ကျတော့ သူများချက်ကိုမြင်ရတာ ကြောက်ကြပြန်ပါတယ်တဲ့။

• 

Nostophobia

အိမ်ပြန်ရမှာကြောက်ကြသူတွေကို Nostophobia လို့ခေါ်ကြပါတယ်။ ဒီလိုလူတွေဟာ Domestic violence (အိမ်တွင်းအကြမ်းဖက်မှု)တွေ ၊ Family တွေရဲ့ abuse တွေ အရှက်ခွဲနှိပ်စက်တာတွေကို ခံရပါများပြီး အိမ်မှာနေရတာ ၊ အိမ်ကိုပြန်လာရတာ မလုံခြုံတော့ဘဲ ကြောက်လာကြတာပါ။

• 

Caligynephobia

ဒါက ကောင်မလေးချောချောလှလှလေးတွေမြင်ရင် ကြောက်တဲ့ရောဂါပါတဲ့။
တချို့သူတွေက ကောင်မလေးလှလှတယောက်အနားမှာရှိနေရင် အလွန်စိတ်လှုပ်ရှားမတည်မငြိမ်ဖြစ်တာ ၊ရင်ဘတ်တွေအောင့်တာ၊ ခြေလက်တွေပါထုံထိုင်းလာပြီး နောက်ဆုံး သတိလစ် ပစ်လဲသွားတဲ့အထိပါဖြစ်တတ်ပါတယ်တဲ့။
ဒီ phobia ရှိတဲ့ ဘရားသားတွေများ ဒီစာဖတ်နေတဲ့ထဲပါလာကြမလား။

• 

Chaetophobia

ဒါကတော့ ဆံပင်ကြောက်တဲ့ ရောဂါလို့ဆိုရပါမယ်။
သူများဆံပင် ဖြစ်ဖြစ် ကိုယ်ဆံပင်ဖြစ်ဖြစ် ဆံပင်မွှေးတွေ့ရင်ကိုကြောက်နေတတ်ပြီး ကြမ်းပြင်မှာ ဆံပင်မွှေးကျနေတာမြင်ရင်ကို ဆက်လမ်းမလျှောက်ရဲဘဲ တုံ့ဆိုင်းသွားတဲ့အထိကို ကြောက်ကြလန့်ကြတာပါ။

• 

Siderophobia

နောက်ဆုံးတခုကတော့ ကြယ်တွေကိုကြောက်တဲ့ရောဂါဖြစ်ပြီး ကောင်းကင်ကို ညဖက်ထွက်မကြည့်ရဲဘဲ ကြယ်တွေကို မမြင်ချင်သူတွေပါ။
အခန်းလိုက်ကာတွေကို ညဖက်ဆို ပိတ်ထားတတ်ကြပြီး ကြယ်မြင်ရင်ကို ကြောက်ကြပါတယ်တဲ့။

• 

ကဲ သင်ရော…ဘယ်လို Phobia တွေရှိကြလဲ။
ကျွန်တော်တို့ရဲ့ telegram မှာလဲ ဝင်ရောက်ဆွေးနွေးလို့ရသလို အောက်က comment မှာလဲ ဝင်ရောက်မေးမြန်းနိုင်ပါတယ်။

Vector

အသိအမြင်၊ အတွေးအခေါ် အသစ်တစ်ခုခုရသွားလို့ လှူဒါန်းလိုပါက Science Nuts (Facebook Page) ကို ဆက်သွယ်လှူဒါန်းနိုင်ပါတယ်။
လှူသမျှငွေအကုန်လုံးကို လိုအပ်တဲ့နေရာတွေမှာ ပြန်လည်လှူဒါန်းပေးသွားမှာပါ။