ကိုယ်ဟာ Nihilist ဖြစ်နေမလား?
ဘာစည်းမျဥ်းစည်းကမ်း ခံယူချက်ရှိမနေဘူး
ယုံကြည်ခြင်းတွေလည်း ကင်းမဲ့နေမယ်
သံယောဇဥ် အတွယ်အတာတွေ မခံစားတတ်ဘူး
အရာရာတိုင်းဟာ ဖြစ်နိုင်မလားဆိုတဲ့ ရှုထောင့်ကနေ ကြည့်တတ်နေမယ်
ဒါဆိုရင် သင်ဟာ Nihilist ဖြစ်နေပြီလို ပြောလိုရပါတယ်။ ဒါပေမယ့် True Nihilist တော့ မဖြစ်နိုင်ပါဘူး။ Nihilsim ကို ယုံကြည်နေခြင်းကိုက
Nihilist ဖြစ်စေမလားဆိုတဲ့ ဝိရောဓိကို မွေးဖွားလာပြန်ပါတယ်။
Nihilism အမျိုးအစားတွေ
ဆိုခဲ့သလိုပဲ True Nihislist မရှိတာကြောင့် Nihilist တွေက ရွေးချယ်ပြီး မယုံကြည်ရတော့ပါတယ်။ ဒါကြောင့် Nihilism ၄မျိုး ဖြစ်လာပါတယ်။
Moral Nihilism
ကိုယ်ကျင့်တရားတွေကို မယုံကြည်တာပါ။ အမှား အမှန်၊ လုပ်သင့် မလုပ်သင့်ကို မယုံကြည်ဘဲ “လုပ်ပြီးမှ ကြည့်” ဆိုတဲ့ စည်းမျဥ်းကို ကိုင်စွဲပါတယ်။ ဒီလိုလူတွေကို လူ့အဖွဲအစည်း ဗရမ်းဗတာ အနေနဲ့ သတ်မှတ်ထားလေ့ ရှိပါတယ်။ ထပ်ပြောပါမယ်၊ Nihilism ဆိုတာ မှားတယ်၊ မှန်တယ် ပြောနေတာ မဟုတ်ဘဲ အရှိတရားကို ဖော်ပြနေတာ ဖြစ်ပါတယ်။
Existential Nihilism
Existential Crisis ဆိုတာ ဒီ Nihilism ကို ချဥ်းကပ်နေတာလို ပြောရင် မှန်သလို ဖြစ်နေပါတယ်။ ဘဝကြီးဟာ အဓိပ္ပာယ်ကြီး မရှိပါဘူး၊ မွေးလာရတာ အလကားပါ စတဲ့ အယူအဆ ဖြစ်ပါတယ်။ လူတွေကြားထဲမှာ မျှော်လင့်ချက် ကုန်ရင် ပေါ်လာတတ်ပါတယ်။
Epistemological Nihilism
Epistemology ဆိုဟာ သိမှုဗေဒ (study of knowledge) ဖြစ်ပါတယ်။ လူတွေရဲ့ သိခြင်းကို လေ့လာတာ ဖြစ်ပါတယ်။ နားလည်ရ ခက်တဲ့ ဘာသာလည်း ဖြစ်ပါတယ်။ ဒီ Nihilist တွေကတော့ ကိုယ့်ရဲ့ knowledge သိမှုတွေကို မယုံကြည် ငြင်းပယ်ကြသူတွေ ဖြစ်ပါတယ်။ အစွန်းရောက် သံသယဝါဒီတွေလိုလည်း ခေါ်ကြပါသေးတယ်။
ဥပမာ – အမေရိကန်က ကာကွယ်ဆေးက ရောဂါကာကွယ်တယ်ဆိုတာကို မယုံကြည်ကြသူများ၊
ဒုတိယ ကမ္ဘာစစ်မှာ ဂျူး ခြောက်သန်းကို လူမျိုးတုန်း သတ်ဖြတ်ခဲ့တဲ့ holocaust ကို မယုံကြည်သူများ၊
အမေရိကန်တွေ လကမ္ဘာပေါ် ခြေချခဲ့တာကို မယုံကြည်သူများ စသည်ဖြင့် . . .
Metaphysical Nihilism
Physics ဆိုတာ ရုပ်ကိုလေ့လာလို ရူပဗေလို သိကြပါတယ်။ Metaphysics ဆိုတာ ရုပ်လွန်ဗေဒ ဖြစ်ပါတယ်။ လက်ရှိကမ္ဘာမှာ ရုပ်ဝတ္ထု လက္ခဏာတွေ ရှိတာကို မယုံကြည်တဲ့အပြင် ပစ္စည်း ပစ္စယတွေ မရှိတဲ့ ကမ္ဘာလည်း ရှိတယ်လို ယုံကြည်ကြတာ ဖြစ်ပါတယ်။
သမိုင်းထဲက Nihilistic ဖြစ်ရပ်တွေ
ရောမအင်ပါယာဟာ နတ်ဘုရားဝါဒကို ယုံကြည်ပါတယ်။ နတ်ဘုရားပေါင်း မြောက်မြားစွာက ရောမပြည်ကြီး ရောမနိုင်ငံသားတွေကို ကာကွယ် စောင့်ရှောက်ပေးနေတယ်လို ယုံကြည်ကြပါတယ်။ ဒါပေမယ့် ရောမပြည် ပျက်သုဥ်းချိန် ရောမအင်ပါယာ လက်အောက်က လူမျိုးတွေဟာ နတ်ဘုရားဝါဒကို မယုံကြည်တော့ဘဲ Nihilism ကို ချဥ်းကပ်မိကြပါတယ်။ ဒါပေမယ့်လည်း Christianity က အစားထိုး ဝင်ရောက်လာတာမို Nihilism က ခဏပဲ ဖြစ်လိုက်ပါတယ်။
ထိုအတူပဲ Black Death ကြောင့် ဥရောပမှာ လူပေါင်းမြောက်မြားစွာ သေကြေပြီးနောက် Nihilism ဟာ တဖန် ပြန်နိုးကြား လာပြန်ပါတယ်။ အထူးသဖြင့် ဖန်ဆင်းရှင်ဝါဒကို မေးခွန်းထုတ်ခဲ့ကြပြီး ဟိုဘက် ဒီဘက်က အပြန်အလှန် အတွေးအခေါ် တိုက်ပွဲတွေ ဖြစ်နေတာ အခုထိပါပဲ။ အကျိုးဆက်အားဖြင့် လူအခွင့်အရေးဆိုတဲ့ သဘောတရား ပေါ်ပေါက်လာပြီး မယုံကြည်ခြင်း atheism ဆိုတာကို လူ့ရဲ့ လွတ်လပ်ပိုင်ခွင့်အဖြစ် အသိအမှတ် ပြုလာရပါတယ်။
ဒီလောက်ဆိုရင် Nihilism ကို သိသင့်သလောက် သိပြီလို ယူဆပါတယ်။ ယုံကြည်သည် မယုံကြည်သည်ဖြစ်စေ ဒါဟာလူသားတစ်ယောက်ရဲ့လွတ်လပ်စွာ ရွေးချယ်ပိုင်ခွင့် ဖြစ်နေပါပြီ။ ဒါပေမယ့် အချိုသော ဒဿန သဘောတရားတွေဟာ ဆွေးနွေးငြင်းခုံလို ကောင်းပေမယ့် ကျင့်သုံးတယ်လို ထုတ်ပြောမိရင် “ဟင် မင်းကဒါကြီးလား” လို အထူးအဆန်း ဖြစ်တတ်ပါသေးတယ်။ ဒါကြောင့် ဉာဏ်နဲ့ယှဥ် ယုံကြည်ကြပါလို အကြံပေးပါရစေ။
Philo = love ချစ်ခြင်း
sophy = wisdom အသိပညာ
Philosophy = အသိပညာကို ချစ်ခြင်းပဲ မဟုတ်ပါလား။
Lucifer
အသိအမြင်၊ အတွေးအခေါ် အသစ်တစ်ခုခုရသွားလို့ လှူဒါန်းလိုပါက Science Nuts (Facebook Page) ကို ဆက်သွယ်လှူဒါန်းနိုင်ပါတယ်။
လှူသမျှငွေအကုန်လုံးကို လိုအပ်တဲ့နေရာတွေမှာ ပြန်လည်လှူဒါန်းပေးသွားမှာပါ။
Science Nuts 