အများကမှန်တယ်လို့ ယူဆထားတဲ့ကျန်းမာရေးအကြောင်းအရာတချို့က ဆေးပညာအရလွဲနေပါတယ်။
ဒါတွေကို အပိုင်းလိုက်ရေးသွားပေးမှာဖြစ်ပါတယ်။
၁။ အစပ်များများစားရင် အစာအိမ်မှာအနာဖြစ်တတ်သလား?
![](https://sciencenuts.science.blog/wp-content/uploads/2021/07/img_20210725_080240_076.jpg?w=1024)
ဒီအချက်က အစပ်ကြိုက်တတ်သူတွေမကြာခဏပြောတတ်တဲ့ကိစ္စပါ။ အစပ်တွေစားမိလို့ အစာအိမ်မှာအနာဖြစ်တယ်ဆိုတာ ဆေးပညာအရမမှန်ပါဘူး။
![](https://sciencenuts.science.blog/wp-content/uploads/2021/07/img_20210725_080238_182.jpg?w=1024)
Stomach ulcer ဆိုတဲ့ အစာအိမ်မှာအနာဖြစ်ရခြင်းက Helicobacter pylori လို့ခေါ်ဘက်တီးရီးယားပိုးကြောင့်အဓိကဖြစ်တာပါ။
ဒါ့အပြင် အကိုက်အခဲပျောက်ဆေးတွေခဏခဏသောက်ရင်လဲ အစာအိမ်အနာဖြစ်တတ်ပါတယ်။
![](https://sciencenuts.science.blog/wp-content/uploads/2021/07/img_20210725_080241_076.jpg?w=1024)
ဆေးလိပ်သောက်တတ်တဲ့သူတွေမှာလဲ အစာအိမ်အနာပိုဖြစ်တတ်ပါတယ်။
နောက်ပြီးစိတ်ဖိစီးတာကြောင့်ဖြစ်စေ ၊ Physical stress တခုခုကြောင့်ဖြစ်စေ အစာအိမ်ကိုသွေးရောက်တာနည်းပြီး အနာဖြစ်တတ်ပါတယ်။
![](https://sciencenuts.science.blog/wp-content/uploads/2021/07/img_20210725_080236_987.jpg)
ဒါကြောင့် အစပ်စားလို့ အစာအိမ်ကိုအနာဖြစ်တယ်ဆိုတာ မမှန်ပါဘူး။
သို့သော် အပူအစပ်များများစားရင် နဂိုရှိပြီးသားအနာကိုတော့ ပိုဆိုးစေ ပိုနာစေပါတယ်။
အရက်သောက်တာဖြစ်ဖြစ်၊ အပူအစပ်တွေအများကြီးစားလိုက်တာဖြစ်ဖြစ် ရှိပြီးသားအနာက အစပ်နဲ့ထိပြီး ပိုနာတတ်ပါတယ်။
![](https://sciencenuts.science.blog/wp-content/uploads/2021/07/img_20210725_084423_038.jpg?w=933)
ဥပမာ ပါးစပ်ထဲမှာ အနာတခုခုရှိရင် အစပ်စားတဲ့အခါ ပိုစပ်တဲ့သဘောပဲဖြစ်ပါတယ်။ စပ်တာစားရင် ရှိပြီးသားအနာကိုတော့ ပိုစပ်စေပေမယ့် အနာကိုတော့မဖြစ်စေပါဘူး။ အစာအိမ်အနာရှိရင် ဆရာဝန်နဲ့ပြပြီး လိုအပ်တဲ့ဆေးကုသမှုခံယူသင့်ပါတယ်။
၂။ အတွင်းခံဘောင်းဘီကြပ်ကြပ်ဝတ်ရင် သုတ်ပိုးတွေကိုသေစေပြီး ကလေးမရဖြစ်တတ်သလား?
ဒါကလဲ အမျိုးသားတွေကြားထဲမှာ အပြောများတဲ့အကြောင်းအရာတခုပါပဲ။
“အတွင်းခံအတို Briefs ဝတ်တာမကောင်းဘူး… အပူမိပြီး သုတ်ပိုးတွေသေတတ်တယ်” တို့
“Boxer ဝတ်တာက ပိုကျန်းမာရေးနဲ့ညီညွတ်တယ်” တို့
“ဘာမှမဝတ်တာ အကောင်းဆုံးပဲကွ” တို့ မကြာခဏကြားဖူးကြမှာပါ။
![](https://sciencenuts.science.blog/wp-content/uploads/2021/07/img_20210725_080234_508.jpg?w=1024)
1998 ခုနှစ်ထုတ် ဆီးလမ်းကြောင်းနဲ့မျိုးပွားအင်္ဂါဆိုင်ရာဆေးပညာဂျာနယ်မှာ လေ့လာစမ်းသပ်မှုတခုလုပ်ထားပါတယ်။
အမျိုးသား ၉၇ ယောက်ကိုခေါ်ပြီး တဝက်ကို Briefs ဝတ်ခိုင်း နောက်တဝက်ကို Boxers ဝတ်ခိုင်းပြီး အမျိုးသားအင်္ဂါရဲ့ အပူချိန်ပြောင်းမပြောင်း၊ ကပ်ပယ်အိတ်အပူချိန်ပြောင်းမပြောင်း၊ သုတ်ပိုးအကောင်ရေအနည်းအများရှိမရှိ၊ သုတ်ပိုးကူးခတ်နိုင်စွမ်းပြောင်းလဲမှုရှိမရှိ လေ့လာခဲ့ပါတယ်။ ဘာလို့လဲဆိုတော့ အပူချိန်များလာရင် သုတ်ပိုးတွေသေတတ်လို့ဖြစ်ပါတယ်။
![](https://sciencenuts.science.blog/wp-content/uploads/2021/07/awakemanthinkinginbed25072021080629.jpg?w=736)
ဒီလေ့လာချက်အရ အတွင်းခံဝတ်တာနဲ့ မဝတ်တာကြားထဲမှာ ဘာအပူချိန်ခြားနားချက်မှမရှိကြောင်းနဲ့ သုတ်ကောင်အရေအတွက်ခြားနားသွားခြင်း၊ သုတ်ကောင်များသေဆုံးခြင်း တစုံတရာမရှိကြောင်းတွေ့ရပါတယ်။
![](https://sciencenuts.science.blog/wp-content/uploads/2021/07/img_20210725_080227_235.jpg?w=874)
ဒါကြောင့် ညီကိုတို့အနေနဲ့ Briefs ပဲဝတ်ဝတ်၊ Boxers ပဲဝတ်ဝတ်၊ လံကွတ်တီပဲနေနေ ညီလေးကိုတစုံတရာထိခိုက်မှုမရှိကြောင်း ပြောပါရစေ။
![](https://sciencenuts.science.blog/wp-content/uploads/2021/07/agnesharknesswinking25072021080855.jpg?w=840)
ဒါပေမယ့် သတိထားသင့်တာက အားကစားသမားဝတ် အတွင်းခံအထူကြီးတွေကို အချိန်အကြာကြီးဝတ်တာတို့ကိုတော့ သတိထားသင့်ပါတယ်။ လေဝင်လေထွက်ကောင်းပြီး ပေါ့ပါးတဲ့ အတွင်းခံမျိုးကိုသာဝတ်သင့်ပါတယ်။
အတွင်းခံဘောင်းဘီတွေကိုလဲ မလျှော်ဖွတ်ဘဲ အချိန်အကြာကြီး ခဏခဏဝတ်တာကလဲ ကျန်းမာရေးနဲ့မညီကြောင်းပြောပါရစေ။
၃။ ရေပူစမ်းမှာ ရေနွေးစိမ်ရင် ညီလေးကိုထိခိုက်နိုင်သလား?
![](https://sciencenuts.science.blog/wp-content/uploads/2021/07/img_20210725_080230_583.jpg?w=1024)
အပူချိန်များများနဲ့ထိတွေ့ရင် အမျိုးသားအင်္ဂါကိုအနည်းနဲ့အများ ထိခိုက်စေပါတယ်။ ရေနွေးပူပူကြီးနဲ့တိုက်ရိုက်အကြာကြီးစိမ်တာမျိုးကို မလုပ်သင့်ပါဘူး။ သုတ်ပိုးတွေသေပြီး ကလေးမရနိုင်တာမျိုးအထိဖြစ်နိုင်ပါတယ်။
ဒါပေမယ့် ခပ်နွေးနွေးရှိတဲ့ ရေနွေးလောက်စိမ်တာကတော့ ပြဿနာမရှိနိုင်ပါဘူး။ တပတ်ကို တခါနှစ်ခါ ချွေးထုတ်ခန်းမှာရေနွေးစိမ်တာတို့၊ ရေခပ်နွေးနွေးနဲ့ ချိုးတာတို့က ရံဖန်ရံခါဆို သင့်လျော်ပါတယ်။
![](https://sciencenuts.science.blog/wp-content/uploads/2021/07/img_20210725_080232_527.jpg?w=1024)
အမြဲတမ်းလိုလို ရေပူပူနဲ့ချိုးတာ ရေပူပူနဲ့စိမ်တာမျိုးရင်တော့ ညီလေးကျန်းမာရေးအတွက်မကောင်းနိုင်ပါဘူးခင်ဗျ။
Dr. Venice
Next Post, Previous Post မနှိပ်ဘဲ OUO Link ကနေ ၁ပုဒ်ချင်းဝင်ဖတ်ပြီး ကူညီပါ။
အသိအမြင်၊ အတွေးအခေါ် အသစ်တစ်ခုခုရသွားလို့ လှူဒါန်းလိုပါက Science Nuts (Facebook Page) ကို ဆက်သွယ်လှူဒါန်းနိုင်ပါတယ်။
လှူသမျှငွေအကုန်လုံးကို လိုအပ်တဲ့နေရာတွေမှာ ပြန်လည်လှူဒါန်းပေးသွားမှာပါ။