ကိုဗစ်ရောဂါကြီးပြီးဆုံးသွားတဲ့အခါ ကျနော်တို့ ကမ္ဘာမှာ အပြောင်းအလဲတွေ အများကြီးဖြစ်သွားမှာ သေချာပါတယ်။
Game changer ဖြစ်ခဲ့တဲ့ covid ရောဂါက လူတွေတခါမှမကြုံဖူးတဲ့ စိတ်ဒဏ်ရာတွေ၊ stress တွေ အများကြီးထားခဲ့ပြီးပါပြီ။ ကိုဗစ်အလွန်ကာလကြီးမှာ ဘာတွေဆက်ဖြစ်လာမလဲဆိုတာ လူတိုင်း သိချင်နေကြမှာပါ။
ကျနော်နဲ့အတူတူ အနာဂတ်ကမ္ဘာကြီးကို ခဏလောက်လိုက်ကြည့်ရအောင်။
စီးပွားရေးဖက်ကပြောရရင်
တကမ္ဘာလုံးက စီးပွားရေးကပ်နဲ့ကြုံနေရပြီး အငတ်ဘေးတွေ ကြုံတွေ့ထားပါတယ်။ အနာဂတ်မှာတော့ စီးပွားရေးကို နာလန်ထူအောင်ပြန်လုပ်ကြရင်း ပြိုလဲထားတဲ့ စျေးကွက်တွေကိုပြန်ထူထောင်ကြရမှာပါ။
အထူးသဖြင့် Cryptocurrency တွေပိုခေတ်စားလာပြီး Cash တွေတဖြေးဖြေးမသုံးသလောက်ကိုဖြစ်သွားကြတော့မှာပါ။ ကျနော်တို့ဆီမှာတောင် Mobile banking တွေ ATM တွေနဲ့ အသားကျလာပြီး လူငယ်တွေဆို Bitcoin ဖက်ကိုပါလှည့်လာကြပါပြီ။
လုပ်ငန်းခွင်မှာဆိုလဲ တချို့အလုပ်အကိုင်တွေပျောက်ကွယ်သွားတော့မယ်လို့ ခန့်မှန်းနေကြပါတယ်။ အထူးသဖြင့် စက်နဲ့လုပ်ကိုင်ရတဲ့အလုပ်တွေ၊ လူမလိုဘဲ စက်ရုပ်နဲ့ထိန်းချုပ်တဲ့ အလုပ်တွေက နေရာယူလာပြီး လုပ်အားနဲ့လုပ်ရတဲ့အလုပ်တွေဟာ မရှိသလောက်နည်းသွားတော့မှာပါ။
Work from home ဆိုတဲ့စကားက လူတွေနဲ့ပိုမိုအကျွမ်းဝင်လာပြီး နောက်ပိုင်း လုပ်ငန်းခွင်ထက် အိမ်မှာပဲ အလုပ်လုပ်ကြတာ new normal ဖြစ်လာမယ်လို့ ခန့်မှန်းထားကြပါတယ်။
ပညာရေးမှာဆိုလဲ အသိသာကြီးပါ။
အခုလို ကျောင်းတွေပိတ်ထားတဲ့ကာလမှာ Online teaching တွေဆိုတာ လူငယ်တိုင်း မသိမဖြစ် အရာတခုဖြစ်လာပါပြီ။
Free online platform တွေမှာ course တွေကတက်ရင်းနဲ့ certificate တွေယူကြ၊ degree တွေရကြနဲ့ online ကမ္ဘာထဲကို ပျော်ပျော်ကြီး ခုန်ဆင်းနေကြပါပြီ။ အရင်က လူတွေ့ဖြေရတဲ့ IELTS စတဲ့စာမေးပွဲတွေတောင် online test တွေအဖြစ်ပြောင်းလဲပေးနေပြီဆိုတော့ သင့်အိမ်ကပဲ စာမေးပွဲအခန်းဖြစ်လာတော့မှာ သေချာပါတယ်။
ဘွဲ့ယူကြတာတောင် online ကနေပဲဖြစ်ဖို့များပြီး convocation တွေကိုပါ zoom နဲ့လုပ်ဖို့ စီစဥ်နေတာတွေမြင်ရကြားရနေပါပြီ။
ပြောမရဘူးဗျ… နောက်ဆို မင်္ဂလာဆောင်တွေတောင် သွားစားချင်မှစားရတော့မှာ။
Zoom app နဲ့ပဲ လက်မှတ်ထိုး
Zoom app နဲ့ပဲ လက်ထပ်ကြ
အဆိုတော်တွေကလဲ သူ့အိမ်မှာပဲ zoom နဲ့သီချင်းဆိုပြ
မင်္ဂလာဆောင်လာတဲ့သူတွေကလဲ ကိုယ့်အိမ်မှာပဲ zoom နဲ့တက်ကြ အဲ့လိုဖြစ်လာမလားပဲ။
စားသောက်ဆိုင်တွေတော်တော်များများကလဲ delivery service ပေးနေကြပြီဆိုတော့ နောက်ပိုင်းစားချင်တာမှန်သမျှ door to door ပဲမှာစားကြတာ၊ ဆိုင်တွေမထိုင်ဖြစ်ကြတော့တာ ဖြစ်ကောင်းဖြစ်လာနိုင်ပါတယ်။
ဆိုင်ထိုင်စားတဲ့သူကို ဂြိုဟ်သားလိုအကြည့်ခံရမလားပါပဲ။
ပိုဖြစ်နိုင်ချေရှိတာက နောက်ပိုင်းမှာရာသီဥတုဖောက်ပြန်တာတွေ၊ လေထုညစ်ညမ်းတာတွေကြောင့် outdoor ထွက်ဖို့ကို လူတွေမလိုလားတော့တာ၊
အိမ်ထဲကနေပဲဆက်သွယ်ကြတာ ပိုဖြစ်နိုင်ပါတယ်။
ဖျော်ဖြေရေးကဏ္ဍမှာလဲ VR (vritual reality) တွေ AR (artificial reality) တွေအိမ်တိုင်းလိုလိုမှာရှိလာပြီး အိမ်မှာပဲ တကမ္ဘာလုံးကို ထိုင်ကြည့်လို့ရ ပျင်းရင် Game ဆော့လို့ရလာတော့မှာပါ။
လိုချင်တဲ့ပစ္စည်းကိရိယာတွေကို ဆိုင်သွားဝယ်မယ့်အစား 3D printer တွေအိမ်မှာဝယ်ထားပြီး လိုသလို ပုံဖော်ထုတ်နိုင်နေပြီမို့လို့ အပြောင်းလဲများစွာဖြစ်လာတော့မယ်ဆိုလဲ မမှားပါဘူး။
အစားအသောက်ဖက်မှာလဲ အသားအစားထိုးတွေ ၊ စက်ရုံထဲမှာ တီထွင်ဖန်တီးထားတဲ့အစားအသောက်တွေ ကျယ်ကျယ်ပြန့်ပြန့်ဖြစ်လာတော့မှာ သေချာပါတယ်။
ကျန်းမာရေးမှာလဲ Teleconsultation ပုံစံနဲ့ online ကနေပဲကုသမှုပြုလုပ်ကြ၊ အကြံဉာဏ်တောင်းခံကြတာတွေ ဆက်ရှိနေဦးမှာပါ။
တကယ်လိုအပ်တဲ့ကုသမှုတွေကိုပဲ ဆေးရုံတက်ကုရတော့မှာပါ။
နောက်ဆုံးအနေနဲ့ အားလုံးသိချင်နေမယ့်မေးခွန်းက
“Mask ချွတ်ပြီးနေလို့ရသွားပြီလား”
“Covid ရောဂါပိုး ကမ္ဘာပေါ်ကပျောက်သွားမလား”ဆိုတာပါ။
ရောဂါပညာရှင်တွေရဲ့ လက်ရှိသုံးသပ်ချက်အရ covid ပိုး ကပျောက်သွားဖို့မရှိဘဲ လူတွေနဲ့ ယှဥ်တွဲနေထိုင်ရတော့မှာပါ။ ရာသီတုပ်ကွေးလိုမျိုး ကိုဗစ်ကလဲ တခါတခါထဖြစ်လိုက် ပြန်ပျောက်သွားလိုက်နဲ့ လူတွေကြားဆက်ရှိနေဦးမှာပါ။
ကာကွယ်ဆေးတွေအောင်မြင်သွားရင်တောင် Herd immunity ရသွားရင်တောင် ကိုဗစ်ကပုံပြောင်းပြီးလာနိုင်သေးတာမို့လို့ ကိုဗစ်ကိုအနိုင်ယူဖို့ထက် ကိုဗစ်နဲ့တည့်အောင်ပေါင်းရတော့မယ်လို့သာ ယူဆမိပါတယ်။
ကာကွယ်ဆေးတွေထိုးပြီးတဲ့တနေ့ လူတွေမှာ immunity ရလာတဲ့တနေ့တော့ mask မပါဘဲ သဘာဝလေကို အားရပါးရရှူရှိုက်ရင်း ပြန်ဆုံကြတာပေါ့ဗျာ။
Vector
Next Post, Previous Post မနှိပ်ဘဲ OUO Link ကနေ ၁ပုဒ်ချင်းဝင်ဖတ်ပြီး ကူညီပါ။
အသိအမြင်၊ အတွေးအခေါ် အသစ်တစ်ခုခုရသွားလို့ လှူဒါန်းလိုပါက Science Nuts (Facebook Page) ကို ဆက်သွယ်လှူဒါန်းနိုင်ပါတယ်။
လှူသမျှငွေအကုန်လုံးကို လိုအပ်တဲ့နေရာတွေမှာ ပြန်လည်လှူဒါန်းပေးသွားမှာပါ။
