Autocorrect လုပ်နိုင်တဲ့သင့်ဦးနှောက်

အောက်ကပုံကိုတချက်ကြည့်ပေးပါ။
ပုံထဲကစာကို စိတ်ထဲမှာ ခပ်မြန်မြန်ဖတ်ပေးပါ။

နောက်တခေါက်လောက် ခပ်ဖြေးဖြေး အသံထွက်ဖတ်ပေးပါ။ ဘာထူးခြားသွားလဲ… သင်သတိထားမိပါသလား။

ပေးထားတဲ့စာထဲမှာ အမှားတခုရှိနေပါတယ်။ ပြန်ရှာကြည့်လိုက်ပါ။

“The” ၂လုံးထပ်နေတာကိုသတိထားမိလိုက်ပါသလား။ ပထမတုန်းက ခပ်မြန်မြန်ဖတ်လိုက်တော့ သင့် brain က Autocorrect လုပ်ချလိုက်တာပါ။
နောက်တခါထပ်ဖတ်တော့မှပဲ အမှားကိုတွေ့တာပါ။

ကဲ… နောက်တခါထပ်စမ်းကြည့်ရအောင်။ အောက်ကစာကိုဖတ်ကြည့်ပါဦး… မြန်မြန်လေးဖတ်ပေးပါ။

သင်၂ခါထပ်ဖတ်မိနေပြီမလား။ ဒီတခါတော့ အထာနပ်သွားလောက်ပြီထင်ပါတယ်။ သင်တယောက်တည်းမဟုတ်ပါဘူး။ လူတိုင်းလိုလို စာမြန်မြန်ဖတ်ရင် အမှားတွေကို brain ကပြင်ပြီးဖတ်လိုက်ပါတယ်။ သိပ်မသိသာတဲ့အမှားမျိုးဆို brain ကခပ်တည်တည်ပဲ လူလည်ကျပြီး ဖတ်သွားပါတယ်။
အထူးသဖြင့် မြန်မြန်ဖတ်ရတဲ့အခါပေါ့။

စာမေးပွဲခန်းထဲမှာ စာမေးပွဲမေးခွန်းစာရွက် စ,စရရင် အမြန်ဖတ်ပြီး ကိုယ်ကျက်ထားတဲ့အပုဒ်တိုးသလား ရှာတဲ့အခါဆို အရမ်းသိသာပါတယ်။ Autocorrect ကတခါတလေလဲအသုံးဝင်ပါတယ်။
မလိုတဲ့နေရာမှာအချိန်မကုန်တော့ဘဲ လိုတာကိုဖတ်လို့ရအောင် လုပ်ပေးထားတာပါ။

နောက်တခုလောက်ထပ်စမ်းသပ်ကြည့်ရအောင် အောက်က စာမှာ ဘာမှားနေလဲ သင့်ရှာနိုင်မလား။

အမှား ဘယ်နှခုလောက်တွေ့ပါသလဲ။ ပုံမှန်ဆို အမှား ၂ခုလောက်ပဲတွေ့မှာပါ။ တကယ်ကအမှား ၃ခုရှိပါတယ်။
အဖြေကို ဒီစာရဲ့အဆုံးမှာပြောပြထားပါမယ်။

ဒီလောက်ဆိုရင် ကျနော်တို့ brain ကအမှားတွေကိုမမြင်တဲ့နေရာမှာ ဆရာကျတယ်ဆိုတာ သဘောပေါက်သွားမှာပါ။ Brain ကသူအရေးမကြီးလောက်ဘူးထင်တဲ့အရာဆို သိပ်အာရုံမစိုက်ဘဲ မေ့မေ့ပျောက်ပျောက်ပဲသဘောထားတတ်ပါတယ်။
အထူးသဖြင့် ထပ်ခါထပ်ခါမြင်ဖူးနေကျအရာတွေ၊ ခဏခဏတွေ့နေရတဲ့ပစ္စည်းတွေ၊ ဆက်တိုက်ကြားနေရတဲ့အသံတွေဆိုရင် brain က အမှတ်တမဲ့ဖြစ်သွားအောင်လုပ်ထားတတ်ပါတယ်။

အဲ့တာက Habituation လို့ခေါ်ပါတယ်။ ဥပမာ စျေးထဲက ငါးတန်းထဲကို ပထမဆုံးအကြိမ်ရောက်သွားတာနဲ့ စျေးအမြဲသွားနေတဲ့လူ ၂ယောက်မှာ ငါးနံ့ကိုခံစားရပုံမတူပါဘူး။ အမြဲစျေးသွားနေတဲ့သူတွေက ငါးနံ့ကိုယဥ်နေပြီဖြစ်လို့ သိပ်စိတ်ထဲမရှိပါဘူး။ brain က ငါးနံ့ကိုအာရုံထဲကနေ ခဏဖျောက်ပေးထားပါတယ်။

ခဏခဏမြင်နေကျဆိုင်းဘုတ်တွေဆိုရင်လဲ အမှားရှိနေရင်တောင် brain ကသတိမပြုမိဘဲ အလိုလို Autocorrect လုပ်ပြီးဖတ်သွားတဲ့သဘောပါ။ ကျနော်တခါရေးဖူးတဲ့ Typoglycemia ကလဲ brainရဲ့ Autocorrect လုပ်တတ်တဲ့အကျင့်ကြောင့်ပါပဲ။ အလယ်ကစာလုံးတွေမှားနေပေမယ့်လဲ ထိပ်နဲ့နောက်ဆုံးမှန်နေရင် ရအောင် correct လုပ်ပြီးဖတ်သွားနိုင်ပါတယ်။

နောက်တမျိုးစမ်းကြည့်လို့ရပါတယ်။ အောက်ကစာကိုသင်ဖတ်ကြည့်ပါ။

သင်ဖတ်လို့ရတယ်ဆိုရင် သေချာပါတယ်။ သင့် brain က အမှားတွေကို Autocorrect လုပ်ပြီးဖတ်တတ်နေတာပါ။

ဂဏန်းတွေနဲ့ အက္ခရာတွေကိုအစားထိုးပြီးရေးထားတာပါ။
1 = I,
3 = E
4 = A
7 = T,
0 = O စသဖြင့်ပြောင်းရေးထားတာပါ။

အဲ့လိုအကျင့်ရှိတာက ကောင်းတဲ့အချက်လဲရှိသလို မကောင်းတာလဲရှိပါတယ်။ စာလုံးပေါင်းသတ်ပုံအရေးကြီးတဲ့အလုပ်တွေလုပ်ရင် ဒုက္ခရောက်တတ်ပါတယ်။
ဥပမာ သတင်းအယ်ဒီတာတို့၊ စာရေးဆရာတို့၊ ကျောင်းဆရာမတို့၊ စာမေးပွဲစစ်တဲ့သူတို့ စတဲ့အလုပ်တွေက Autocorrect တတ်တဲ့အကျင့်နဲ့ မကိုက်ပါဘူး။

စာမေးပွဲစစ်တဲ့ဆရာမက Autocorrect ပြီးစာတွေစစ်နေရင် ကျောင်းသားတွေပျော်ပျော်ကြီးဖြစ်နေတော့မှာပါ။ သင့်ဦးနှောက်က Autocorrectတတ်ရင် သတိလေးကပ်ပြီးအလုပ်လုပ်ဖို့၊ စာလုံးပေါင်းစစ်ဖို့လိုပါလိမ့်မယ်။

အောက်ကပုံမှာရော သင် “F” ဘယ်နှလုံးလောက်ရှာပေးနိုင်မလဲ။

တကြိမ်ထဲနဲ့ “F” ၆လုံး စလုံးရှာတွေ့ခဲ့ရင်တော့ သင့် brain က စာစစ်သူလုပ်သင့်တဲ့ အမှားရှာကျွမ်းတဲ့ brain ပါပဲဗျာ။

Thanks for your time!

လင်းမူ

အဖြေ။ ။ အမှား ၃ခုကတော့
percent နဲ့ % ၂ခါထပ်နေတာရယ်၊ “the” ၂ခါထပ်နေတာရယ်၊ အမှားတွေက တခုထက်မကလို့ mistake မှာ ‘s’ထည့်ပေးရမယ်ဆိုတာရယ်ပဲဖြစ်ပါတယ်။

Next Post, Previous Post မနှိပ်ဘဲ OUO Link ကနေ ၁ပုဒ်ချင်းဝင်ဖတ်ပြီး ကူညီပါ။
အသိအမြင်၊ အတွေးအခေါ် အသစ်တစ်ခုခုရသွားလို့ လှူဒါန်းလိုပါက Science Nuts (Facebook Page) ကို ဆက်သွယ်လှူဒါန်းနိုင်ပါတယ်။
လှူသမျှငွေအကုန်လုံးကို လိုအပ်တဲ့နေရာတွေမှာ ပြန်လည်လှူဒါန်းပေးသွားမှာပါ။