ကြောင်မျက်လုံးများ ညဖက်တွင် အရောင်တောက်ရခြင်း နှင့် ကားလမ်းပေါ်က Cat Eyes များ

ညဖက် အမှောင်ထဲတွင် ကြောင်မျက်လုံးများ အရောင်တောက်နေတာကို စာဖတ်သူတို့ မြင်ဖူးကြုံဖူးကြမှာပါ။

• 

လူသားတွေမှာတော့ အဲ့လိုမျက်လုံးအရောင်လင်းတာမျိုး မရှိကြပါဘူး။

ဘာဖြစ်လို့လဲဆိုတော့ ကြောင်အပါအဝင် အခြားသော ညဖက်ကျက်စားတတ်တဲ့တိရစ္ဆာန်များရဲ့ မျက်လုံးမှာ အစိတ်အပိုင်းတခုအပို ပါဝင်နေလို့ပါပဲ။

အဲ့အစိတ်အပိုင်းလေးကို Tapetum lucidum လို့ခေါ်ပါတယ်။

Tapetum lucidum ဆိုတာ အလင်းပြန်တတ်တဲ့ အလွှာလေးတခုဖြစ်ပြီး မြင်လွှာ retina ရဲ့အနောက်မှာတည်ရှိပါတယ်။

• 

သူရဲ့ အလင်းပြန်တတ်တဲ့ ဂုဏ်သတ္တိနဲ့ ညဖက်မှာ မြင်လွှာပေါ်ကို အလင်းတွေပိုရောက်အောင်လုပ်ပေးပြီး အမှောင်ထဲမှာပိုမြင်ရအောင် ကူညီပေးပါတယ်။

Tapetum lucidum က အရောင်ပြန်ဟပ်စေတတ်တဲ့သဘာဝရှိလို့ ကြည့်တဲ့ရူထောင့်ပေါ်မူတည်ပြီး အရောင်ပြောင်းနိုင်ပါတယ်။

ဒါကြောင့် တိရစ္ဆာန်တကောင်နဲ့တကောင် မျက်လုံးအရောင်ထွက်ပုံခြင်းမတူပါဘူး

ကျားနဲ့ ကြောင်များတွင် အစိမ်းဖန့်ဖန့်တွေ့ရပြီး

• 

ခွေးများတွင်မူ အဖြူသမ်း၍ ဘေးဖက်တွင်အပြာရောင်ထွက်လေ့ရှိပါတယ်။

ဤကဲ့သို့ ကြောင်များတွင် ညဖက်မျက်လုံးလင်းတာကို အတုယူ၍ ပြုလုပ်ထားသော ပစ္စည်းတမျိုးရှိပါတယ်။

အဲ့တာကတော့ ညဖက် ကားမောင်းတဲ့အခါ ကားလမ်းမတွေပေါ်မှာ မြင်ရတတ်တဲ့ အလင်းပြန်ပစ္စည်းလေးတွေပဲဖြစ်ပါတယ်။

သူ့ကိုလဲ “Cat eyes” လို့ပဲခေါ်ပြီး ကားမီးထိုးသောအလင်းကို reflect ပြန်လုပ်၍ ညဖက်ကားလမ်းများကို ထင်ရှားစွာတွေ့မြင်ရစေပါတယ်။

• 

Cat eyes device များက အားသွင်းစရာလဲမလို ၊ လျှပ်စစ်စွမ်းအင်လဲမလိုဘဲ လာသောအလင်းကို reflect လုပ်ပေးတဲ့အတွက် အလွန်အသုံးဝင်ပါတယ်။

Cat eyes device များကို မြေပြင်မှ အနည်းငယ်မြင့်အောင် အဖုထစ်ပုံစံလုပ်ထားခြင်းဖြင့်လဲ ကားအရှိန်လျော့အောင် speed braker အနေနဲ့လဲ သုံးနိုင်ပါသေးတယ်။

Cat eyes များကို နိုင်ငံအတော်များများမှာ အရောင်များခွဲခြားသတ်မှတ်ထားပြီး

အဖြူရောင်
အဝါရောင်
အပြာရောင် (ဥပမာ – အရေးပေါ်မီးသတ်ရေဘုံဘိုင်ရှိသည့်နေရာ)
အစိမ်းရောင်
စသဖြင့် အဓိပ္ပာယ်အမျိုးမျိုး ခွဲခြားအသုံးပြုကြပါတယ်။

• 

နောက်ပိုင်းတွင် အဆိုပါ cat eyes များနေရာတွင် solar energy သုံး cat eyes များ reflector များအစားထိုးအသုံးပြုလာတာကို တွေ့ရပါတယ်။

Thanks for your time!

လင်းမူ

အသိအမြင်၊ အတွေးအခေါ် အသစ်တစ်ခုခုရသွားလို့ လှူဒါန်းလိုပါက Science Nuts (Facebook Page) ကို ဆက်သွယ်လှူဒါန်းနိုင်ပါတယ်။
လှူသမျှငွေအကုန်လုံးကို လိုအပ်တဲ့နေရာတွေမှာ ပြန်လည်လှူဒါန်းပေးသွားမှာပါ။