တချို့ကပြောတယ်၊ လှအောင်နေရင် confidence တက်စေသတဲ့။ ဒါဖြင့်ရင် လှမှန်းဘယ်လို သိကြမလဲ။ အဆိုတစ်ခုတိုင်းမှာ ဘာကြောင့်လဲ ဘယ်လိုလဲဆိုတဲ့ မေးခွန်းတွေ ရှိရှိလာတာကိုက ဒဿနိကပညာရဲ့ အလှလို့ ပြောလို့ရပါတယ်။
လှတယ် မလှဘူးကို လူတွေက ဆုံးဖြတ်တာကိုတော့ ဘယ်သူမှ မငြင်းကြဘူးမလား။ ဒါဖြင့် လူတွေကို နှစ်မျိုးပြန်ခွဲမယ်။ မိမိနဲ့ အခြားပေါ့။ ဘိုလိုဆိုရင် self and non-self ပေါ့။
ကိုယ်က confidence တက်ချင်လို့ လှအောင်နေပါပြီဆိုပါစို့။ ကိုယ်လှနေကြောင်းကို တစ်ယောက်ယောက်ကတော့ အတည်ပြုပေးရမှာပဲ။ ဒါငြင်းမရတဲ့ အမှန်တရား။ အနည်းဆုံးတော့ ကိုယ့်ကိုယ်ကိုတော့ လှတယ်ထင်ကြတာပဲ။ ထင်ရတာပဲ။ ဒါကိုပဲ self-confidence လို့ ပြောကြတာ မဟုတ်ဘူးလား။
လှတဲ့သူတွေလှနေလို့ (လှတယ်လို့ ဝိုင်းပြောကြတာတွေ့ရလို့) မလှဘူးလို့ ကိုယ့်ကိုယ်ကို ထင်နေသူတွေ စိတ်ဓာတ်ကျတာမျိုးတွေ ဖြစ်နိုင်တယ်ဆိုရင် ငြင်းကြမလားမသိ။
ရုပ်အလှကို ဒီမှာ ခဏရပ်ပြီး စိတ်ထားအလှကို တစ်ချက် ပြေးကြည့်ရအောင်။ စိတ်ထားအလှဆိုတာ စိတ်ဆိုတဲ့ အရာရှိတဲ့ သက်ရှိမှာပဲ ဖြစ်တာလို့ ပြောရင် လက်ခံရမှာပဲ။ သက်ရှိမှာတောင် အပင်တွေကို စိတ်ထားလှတယ်လို့တော့ မပြောကြဘူးမလား။ ကျွန်တော်ပဲ မကြားဖူးလို့လားတော့ မသိဘူး။
ရုပ်အလှထက် စိတ်အလှက ပိုအရေးကြီးတယ်ဆိုတာ ကြားဖူးနေကြမှာပါ။ တကယ်တန်း ဘယ်ဟာက ပိုအရေးကြီးလဲဆိုတာ သိတဲ့လူတွေ သိကြပါတယ်။ အရှေ့မှာလည်း ပြောဖူးပါတယ်။ စိတ်အလှက ရုပ်အလှထက် သိဖို့ ကြုံတွေ့ဖို့ အချိန် ပိုယူရတယ်။ စိတ်အလှကို ဘယ်လို အဓိပ္ပာယ်ဖွင့်ကြလဲဆိုတာကတော့ ကျယ်ပြန့်သွားပြီမို့ ထားခဲ့ပြီ။
ဒါဖြင့်ရင် ရုပ်အလှဆိုတာ တစ်ခဏ စိတ်အလှဆိုတာ ထာဝရလို့ ပြောတာတွေကော ကြားဖူးကြလား။ ဖြစ်ကော ဖြစ်နိုင်လား။ အရာရာဟာ ဖြစ်ပြီးရင် ပျက်မှာပဲဆိုတဲ့ အယူအဆအရ ရုပ်လှနေတာတွေ နောင်တစ်ချိန် ယိုယွင်းတဲ့အခါ စိတ်အလှကရော မယိုယွင်းတတ်ဖူးလားပေါ့။
တွေးစရာတွေက တစ်ပုံတစ်ပင်ကြီးပါ။
ဒါကို ရေးရတဲ့ရည်ရွယ်ချက်က မတော်တဆ ဖတ်မိသူတွေ ကျွန်တော် ရေးထားတာကနေ ရှေ့ဆက် တွေးရင်း ဉာဏ်အလင်း တစ်ခုခု ပွင့်စေချင်တာပါပဲ။ ဒဿနိကရဲ့ ရည်ရွယ်ချက်ကိုက တွေးဖို့ ဆင်ခြင်ဖို့ ကြုံတွေ့သိမြင်ဖို့ပါပဲ။ သူများတွေးပြီးသားကို လိုက်တွေးပြီး သူများရပ်သလို ရပ်တန့်သွားတာက ဒဿနိကရဲ့ ရည်ရွယ်ချက် မဟုတ်ပါဘူး။
အဆုံးထိဖတ်ပေးလို့ ကျေးဇူးပါ။
Lucifer
အသိအမြင်၊ အတွေးအခေါ် အသစ်တစ်ခုခုရသွားလို့ လှူဒါန်းလိုပါက Science Nuts (Facebook Page) ကို ဆက်သွယ်လှူဒါန်းနိုင်ပါတယ်။
လှူသမျှငွေအကုန်လုံးကို လိုအပ်တဲ့နေရာတွေမှာ ပြန်လည်လှူဒါန်းပေးသွားမှာပါ။
